অজগৰ
– কাৰ্চাং তাকাৰ
সময়ে দিলেগৈ মোৰ নতুন সূৰ্য,
কঁকাল ভাঙি উজাল হ'ল এই শৰৎ।
কহুঁৱাকো আমণি নকৰোঁ,
হৃদয়-ভঙা পঁজা এতিয়া ঠেহ পাতা;
সাগৰ,
অজগৰ!
সময়ো তাকৰ॥
অজগৰে গিলিছে মোৰ বৰ্ষা,
আছিলোঁ একালৰ চিৰিকালি;
আছিলোঁ মই অৰঙে-দৰঙে ফুৰা—
জুই-আঙনি।
হ’লেও অজগৰ,
পিতাইৰ দেহো আতঙা;
আইয়ে বান্ধিব কিমান?
পিতাইৰ তমাল।
আইৰ দুপৰীয়া আহাৰে
ঘড়ীৰ কাঁটাডালকনো ঘূৰাব কিমান?
অজগৰ॥
আপুনি ADRE/Assam Police বা অন্যান্য চৰকাৰী চাকৰি পৰীক্ষাৰ বাবে প্ৰস্তুতি চলাই আছে নেকি?পলম নকৰিব আজিয়েই যোগাযোগ কৰি নামভৰ্তি কৰক ফটোত থকা দূৰভাষটোত
প্ৰতিজন মানুহৰে নিজাকৈ এখন পৃথিৱী থাকে, য’ত তেওঁ নিজৰ দৰে জীয়াই থাকিবলৈ ভাল পায়। মোৰ বাবে সেই পৃথিৱীখন হ’ল— শব্দ। 'কাৰ্চাং তাকাৰ অসমীয়া' কেৱল এটা ব্লগিং চাইট নহয়, ই মোৰ হিয়াৰ আমঠু, মোৰ চিন্তাৰ দাপোণ আৰু মোৰ সৃষ্টিশীল সত্তাৰ এক মুকলি আকাশ। অসমীয়া ভাষাৰ প্ৰতি থকা মোৰ যি নিবিড় টান, সেই টানক এক স্থায়িত্ব দিবলৈকে এই ডিজিটেল মঞ্চখনৰ জন্ম। ইয়াত মোৰ কলমৰ পৰা নিগৰা প্ৰতিটো আখৰেই মোৰ জীৱনৰ কোনোবা নহয় কোনোবা এটা মুহূৰ্তৰ প্ৰতিফলন।এই ব্লগটোৰ বিশেষত্ব হ’ল যে, ইয়াত মই কেৱল বিভিন্ন কাকত- আলোচনীত প্ৰকাশ পোৱা লেখাসমূহকে স্থান দিয়া নাই, বৰঞ্চ মোৰ ডায়েৰীৰ মাজত আবদ্ধ হৈ থকা বহুতো 'অপ্ৰকাশিত' লেখাকো মই মুকলি কৰি দিছোঁ। বহুসময়ত এনেকুৱা হয় যে কিছুমান লেখা বৰ ব্যক্তিগত হৈ থাকে, সেইবোৰক ৰাজহুৱা কৰিবলৈ সাহস গোটাব নোৱাৰি। কিন্তু 'কাৰ্চাং তাকাৰ অসমীয়া'ৰ জৰিয়তে মই সেই গোপন আৱেগবোৰকো আপোনালোকৰ মাজলৈ লৈ আহিছোঁ।
আমাৰ দ্বাৰা প্ৰকাশিত লেখাবোৰ পঢ়ি কমেন্ট দিব আৰু আপোনাৰ বন্ধু বৰ্গলৈ শ্বেয়াৰ কৰিবলৈ নাপাহৰিব॥
ধন্যবাদ